اليوم الإقامه و باجر الأذان ..!

السلام عليكم ورحمة الله وبركـآته ..




طبعاً كلكم عرفتوا و شهدتوا شو صار فدولتنا الحبيبه من فترة قصيرة

ان الإقامة تكون في المسجد فقط و ما يسمعها اللي برع

و انا قريت الخبر و كانت حجتهم ان هذا من السنه و مافي دليل على ان الإقامة الجهرية فرض

اوكي يمكن الأدله اللي هم يايبينها ان الإقامه أيام الرسول كانت في المسجد صحيحه

بس اللي نحن تعودنا عليه و اجدادنا و آباءنا و اطفالنا تعودوا عليه ان الإقامه تنسمع

توهم حصلوا الأدله اللي تقول ان ها الشي سنه !!!

يعني حتى لو كان سنه .. شو بيظر اذا تمت الإقامه على حالها

و اللي سمعته ان السبب الغير مباشر هو ان في ناس مشتكين انه يزعجهم .. و اعتقد انهم مب مسلمين

بس دولتنا مسلمه و نحن مسلمين مب عايبنهم يطلعون منها

الصراحه ها السالفه وايد زعلتني و من كم يوم افكر فيها

معقوله وصلنا لها الحال ؟؟!!!!

ويين كنا و وين صرناا !!

اذا اليوم الإقامه باجر بيقولون الأذان بعد مزعج و يلغونه

و الله يعلم يمكن عقب يسكرون المساجد

بيقولون سنه تصلون في البيت

أبا آرائكم في الموضوع .. يمكن تكون وجهة نظري غلط

و السموحه ع الإطاله